اجمل قصة حب وخيانه انتهت في ساعتين

في ليلةٍ ظلمى
سوادها غطى على عيني وناظري
انهار حبٍ بنيته من سنين
كنت أسمع بالخيانه ....وعرفتها في ساعتين
يوم أسمعها تقول....وانا في صمت وذهول
للحبيب اللي جالس جنبها ....ليت الليالي تطول
وأسمع الضحكات.... وسوالف عشاق ومحبين
والمشكله الكلام اللي تقوله
كلامي اللي قلته لها من سنين
سمعتها تضحك.... وهو جنبها يضحك
وأنا القهر والجرح بوجهي يضحكون
قالتله : أحبك بنفس نبراة الدلع
اللي كانت تقوله لي
في شوق وولع
وقامت تقول.... ابيات من القصيد
وأتغزلت فيه.... وفي الحب الجديد
وأسمع صوتها وهي تقول
بيت من الشعر قالته لي.... من زمـــــــــــــــان
( أحبك يا ......... كثر قطرات المطر .......وكثر ماقالو العشاق كلمة أحبك
ماغيرت في بيت الشعر شي ثاني
لا في قافه ولا الأوزان
غير أنها بس شالت ( أسمي ) وحطت أسمه مكاني
وسمعتها فجأه تقول
الموعد قرب ينتهي
أشوفك باكر ( يابعد عمري )
قال : وين
الساعه توها بدري
أجلسي بقربي شوي
خلي قلبي من حنانك يرتوي
قالت : أسمحلي تأخر الوقت
حتى شوف الساعه في جوالي كم
ناظرت في جوالها وتفاجأت !!!!!!!
تغير صوتها بسرعه وتلعثم
شافتني معها على الخط
ماتدري أني اسمعها ( من ساعتين )

قالت : ألو ألو ألو
قلت : بس كفي ...... لاتولولي
القلب من جرحك ...... ملتوي
قالت : من متى وانته ......معي
قلت : لا تسأليني اسألي .....دموعي
قالت أكلمك..... بعدين
وأسمعه يسألها ويقول
مع مين ؟ تتكلمين؟!!!
قلت : قوليله أني
أللي حبك من زمـــــان سنين
أللي قضى عمره في شوق وحنين

لاتكذبين

قوليله أنا
من باع عمره وحياته واشتراك
من حرم نفسه لجل يطلب رضاك

لاتكذبين

قوليله أني
إنسان مادخل قلبه غيري أحد
إنسان تضحياته من أجلي بلا عدد

لاتكذبين

قالت : خلااااااااص أكلمك بعدين
قلت : ليـــــــــــه خير ؟ وش تبين ؟ كيف تطاوعني نفسي أكلمك أنا من كثر ما احبك ماودي أجرحك بعد الخيانه وش باقي تسوين أبطلبك وادري مابتقصرين
أبيك تنسيني وعن حياتي تبعدين أبي اعيش في جرحك لين أموت وابعد عن حياتك واروح
قالت : أرجوك.....
قلت : لاتكملين
حبـــــــــــــي وحــــــــــبك اللي من سنيييييييين
أنتهـى في ساعتين

روعة قصيدة مؤثرة جدا..
قمر هل انت من تكتب كل هذا الشعر؟

نعم في الي كتبتهم انا و في الي لقيتهم ولكن هذه القصة جرت لي مثلها بالضبط

يعطيك الصحة اسلوبك رائع مزيدا من النجاح والتالق.

عن جد بكيت رررررررروعة سلمت اناملك

حب كلمة جميلة تنبعت من قلب صادق الدي لا يعرف كلمة خيانة.
الكل ينطق بكلمة أحبك وقليل منهم صادقون.
فلا تنخدعن بالحب فما حب إلا كلمة تقال لنيل على مطامع.