يوميات امراة مثلية

لبنان البلد العربي الوحيد اللي المثليين و المثليات لهم نشاط منظم يعني عملين جمعية كده لها إسم و بيجتمعوا في مكان ما حتى انه في بيروت فيه كافيه معروف ليهم بس لبنان لها طبيعة خاصة و مش كل المناطق فيها زي بعضها و رغم كل ذلك كمان لبنان حصل فيها مرة أن البوليس أوقف إثتنان من المثليات ظبطوهم مع بعض متلبسين في السرير الحكاية دي تضحك شوية لأني مش عرفة إزاي عرف البوليس يثبت عليهم حاجة دول أكيد بقى قعدوا يراقبوهم ساعة عشان يفهموا .
وفي أستطلاع للرأي عملته وكالة صحفيه في لبنان سألت فيه الشباب إيه رأيهم في المثليات و المثليين كانت النتيجة ان كل الرجال اللي سألوهم قالوا انهم بيقرفوا أوي من المثليين و بيرفصوا العلاقة بين رجلين لكن بيشجعوا جدا المثلييات و و العلاقات المثلية بين النساء و ده اكيد مرتبط بحلم اليقظة اللي عند الرجاله بمشاهدة إمراتين معا و التدخل ........مش من حقي أعترض على حلم يقظة لكن بصراحة بالنسبة لي مشهد زي ده حيكون حاجة تقرف .
أنا مبفهمش أوي في العلاقات المثلية بين الرجال بس ممكن أطلعهم من وسط ألف صحيح في ناس بيكون صعب جدا تطلعهم لكن كل شخص يكون مثلي أو مثليه ديما بيكون عنده حاسه بيسموها "جاي دار" بالإنجليزية و معناها رادار للمثليين يعني بيشموهم من على بعد .
قابلت رجال مثليين و الحق يقال أن اللي قابلتهم كانو حساسين جدا و بصفة عامة فأن المثليين بيكونوا ناس موهوبه في الفن أو الأدب مفيش شك أني لاحظت جانب من الإستهتار و الفوصى في علاقات الرجال و لاحظت كمان أن أكثر ما يحركهم هو العلاقة الجنسية و هي غالبا بتكون الأساسالموضوع مش كده عند النساء يعني أنا بالنسبة لي الجنس وسيلة للتعبير عن الحب لكن مش هدف و هو مهم أوي طبعا لكن مش هدف برضه ,العلاقة لازم تكون كامله زي أي إثنين على الأرض يعني تفاهم و إهتمام و حب نروح للتفاهم أثبتت التجارب أن أمراة ممكن تفهمني مائة مرة اكثر من أر رجل و لو على الإهتمام أثبت التجارب برضة أن امراة ممكن تهتم بي ألف مرة أكتر من أي رجل و الحب بقى أنا مش حتكلم عليه حتى في العلاقة الخاصة هي عشان إمراة مثلي بتفهمني بسرعة و بتكون عرفه أنا عايزه إيه و إمتى و كل اللي فات بيكون فيه تبادل بينا و برضه بنتخانق و نزعل زي أي إتنين .