انا محتارة و عاوزة نصيحة

السلام عليكم و رحمة الله وبركاته

انا مش عارفة اقول ايه

انا بنت محترمة جدا و ديما ماشية في حالي و كل اهلي و صديقاتي يشهدوا باخلاقي

بس انا مش عارفة متلغبطة من جوا و مش عارفة الي بمر بيه طبيعي و عادي و لا ده معناه اني مش محترمة

انا بكره فكرة ان ممكن اتجوز من شاب او تحديدا راجل و اتقدملي 2 علشان يخطبوني و انا اتحججت لاهلي اني مش مستلطفاهم بس الحقيقة غير كده انا بميل للبنات ميل غير طبيعي بحس ان انا نفسي اكون مع صديقة تكون ليه الاخت و الصاحبة و الزميلة و كمان الحبيبة واحدة بجد تفهمني و تقدرني مش واحد ياخدني من بيت اهلي و يشغلني خدامة و اخر الليل يعاملني زي ما اكون الموبيل الي اشتراهولوا ابوه و يعاملني كأن جزء من ممتلكاته من حقه يتحكم فيه

انا سمعت عن المثلية و حاسة ان انا ممكن اكون فعلا مثلية بس انا اعرف ان المثلية دي حاجة مش لطيفة و ان البنت المثلية بيكون لها مكانة اسوء من مكانة الي بتبيع جسمها بالفلوس في المجتمع

فانا عاوزة واحدة تعرفني يا تري انا مثلية ؟ و يعني ايه مثلية ؟
و ايه مستقبل المثلية ؟ و ايه حياة المثلية ؟ و ياتري حرام ؟
انا مسلمة و من مصر و من اسرة محافظة و متدينة جدا

فياريت تحطوا ده في حسبانكم في ردودكم

معلش هتعبكم معايا باسفسراتي بس انا عاوزة اعرف انا مين و ايه و عاوزة احقق ايه في مستقبلي المظلم

انا متلغبطة و عاوزة مساعدة لاني من جوايا حاسة اني بقيت شخصين و الشخصين زعلانين من بعض

و شكرا للمنتدي الجميل ده و الاسم الي جذبني بتاعه
نساء منا و فينا

عزيزتي نورهان

بداية أرحب بك عضوة في هذا المنتدى الذي أتمنى أن تجدي ضالتك فيه .. وطالما طرقتي باب هذا المنتدى الراقي الذي تزين أقسامه لمسات عضواته المحترمات فأنتي بالتأكيد إنسانة محترمة ..
لمست في حديثك صفاء وشفافية كما لمست رغبتك الصادقة في معرفة حقيقة ميولك... واسمحي لي أن أناقش معك ما طرحتيه..
"فانا عاوزة واحدة تعرفني يا تري انا مثلية ؟ و يعني ايه مثلية ؟"
المثلية الجنسية هي الميل العاطفي والنفسي والجنسي للمثل من نفس الجنس أي النوع .. وبالتالي فهناك فهم مغلوط لدى الكثير من الناس حول مصطلح المثلية الجنسية وأنها قائمة على أساس الجنس ( العملية الجنسية) .. الميول العاطفية هنا هي ما يهمنا التركيز عليه وبالإجماع في هذا المنتدى .. فهي الاحتياج الأكبر للكثير منا .. الاحتياج إلى احتواءك لحبيبة واحتواء حبيبة لك.. وبعض ما أسميه أنا وغيري من العضوات ( ممارسات الحب ) تأتي متوجة لتلك العلاقة الرائعة بين حبيبتين ( وليست غاية في حد ذاتها )
أما الباحثات عن الجنس ( السحاقيات ) فلا مكان لهن في هذا المنتدى والفرق كبير جدا وشاسع.. أرجو منك استيعاب ذلك الفرق وبعمق ..
هل أنتي مثلية؟؟
قبل كل شيء أود إفادتك بأن هناك من الفتيات من يعتقد أن لديه ميول مثلية لمجرد أنها تعيش عزلة اجتماعية نوعا ما وتفتقد للحنان والاهتمام .. ومنهن من تعرض لصدمة عاطفية عنيفة أفقدتها الثقة في الرجال وبالتالي فهي تبحث عن الحب عبر مشاركته مع فتاة مثلها.. وهنا أنصحك عزيزتي بالتريث قبل الوصول إلى قرار بأنك مثلية ..فربما تكون إحدى العوامل التي ذكرتها ذات تأثير على تفكيرك..
أما إن وجدت أنك فعلا لا تميلين عاطفيا وبشكل قاطع ( لديك حالة من البرود العاطفي ) إلى الرجال ولديك صداقات وعلاقات اجتماعية مع فتيات وفي الوقت نفسه تجدين نفسك تميلين وتنجذبين عاطفيا إلى الأنثى روحا وقلبا وجسدا.. فاعتقد أن لديك ميول مثلية إلى حد ما..
"انا اعرف ان المثلية دي حاجة مش لطيفة و ان البنت المثلية بيكون لها مكانة اسوء من مكانة الي بتبيع جسمها بالفلوس في المجتمع"

لك كل العذر فيما طرحت .. ففي ظل العيش والتعامل مع مجتمعاتنا العربية بعقلياتها المتعفقة المتحجرة .. من الطبيعي أن تكون هذه نظرتك للمثلية النابعة من نظرة المجتمع لها .. المجتمع يرى أنها شذوذ عن ما هو طبيعي وفطري .. لكن لو نظرنا للمثلية على أنها أمر مختلف عما هو مألوف لأختلف الأمر تماما .. فالمعروف أن المختلف عن المألوف ليس بالضرورة أمر شاذ .. والمألوف لدى ملايين البشر هوأن العلاقة العاطفية لا تكون إلا بين الرجل والمرأة أما المختلف ( وليس الشاذ ) فهو العلاقة العاطفية بين المرأة والمرأة والرجل والرجل ( ولي شخصيا تحفظ على مسألة العلاقة بين الرجل والرجل لأنها في رأيي قائمة بالدرجة الأولى على العملية الجنسية ومن النادر وجود علاقة عاطفية بحتة بين رجل ورجل)
وكمثال على أن المختلف عن المألوف لا يعني شذوذه .. إذا وجدنا في فئة مجتمعية ما تسعين بالمائة منهم يكتبون باليد اليمنى وعشرة بالمئة تكتب باليد اليسرى فلا يعني ذلك شذوذ ذلك الذي يكتب بيده اليسرى .. كذلك لو وجدنا في أسرة ذات عدد كبير من الأبناء جميع أبناءها من ذوي البشرة البيضاء عدا واحد بشرته سمراء أو سوداء فلا يعني ذلك شذوذه .. هناك العديد من الدراسات العلمية والتجارب العملية أثبتت أن المثلية ليست مكتسبة بالدرجة الأولى وأن هناك تأثير للجانب الوراثي على تكوين الميول لدى الشخص سواء كان ذكر أم أنثى..يمكنك الإطلاع عليها بسهولة في مواقع شتى تتناول قضايا المثلية .. كما أن هناك العديد من المواضيع في المنتدى تناولت ذلك أيضا..
و ايه مستقبل المثلية ؟ و ايه حياة المثلية ؟ و ياتري حرام ؟

الفتاة المثلية تعيش حياتها بشكل طبيعي غير أن السرية وبالذات في مجتمعاتنا العربية هي السائدة والأسباب معروفة وذكرتها لك مسبقا وأهمها ما يتعلق بنظرة المجتمع الغبية لها .. أما مستقبلها فذلك يعتمد على شخصيتها وأهدافها وفلسفتها في الحياة .. لا تختلف في ذلك عن الفتاة المغايرة ( المغايرة هي التي تميل إلى غير جنسها )
المثلية حرام؟؟
ستجدين في أقسام المنتدى العديد من المواضيع التي تناولت هذا الجانب وبإسهاب كبير سيفيدك حتما..

أتمنى أن تستفيدي مما ذكرت أعلاه .. وأرجو من عزيزاتي عضوات المنتدى الرائعات أن لا يبخلن بطروحاتهن بما يفيدك أكثر

تمنياتي لك بالتوفيق والسعادة الدائمة

أعتقد أن العزيزة Lost in her أجزت وأوفت في الرد على تساؤلاتك اختي نورهان
أشعر تماما بما تمرين به فمنذ فترة كنت أمر بمثل حالك من التوتر وعدم الانسجام والتفكير خاصة انك من عائلة محافظة ومع النظرة المجتمعية للبنات ودورهن القاصر في المجتمع إضافة إلى عدم قبولهم لوجود المثلية

أكثر ما أرغب في تنبيهك له هو ما تفضلت اختنا بقوله:
"هل أنتي مثلية؟؟
قبل كل شيء أود إفادتك بأن هناك من الفتيات من يعتقد أن لديه ميول مثلية لمجرد أنها تعيش عزلة اجتماعية نوعا ما وتفتقد للحنان والاهتمام .. ومنهن من تعرض لصدمة عاطفية عنيفة أفقدتها الثقة في الرجال وبالتالي فهي تبحث عن الحب عبر مشاركته مع فتاة مثلها.. وهنا أنصحك عزيزتي بالتريث قبل الوصول إلى قرار بأنك مثلية ..فربما تكون إحدى العوامل التي ذكرتها ذات تأثير على تفكيرك.."

تحياتي Smile

اهلا بيكى نورهان ..
عايزة اسآلك آنت كم سنه؟
ولو مريتى بتجارب عاطفيه مع شباب اولا !!

ايه مستقبل المثليه ؟

لو جواكى مثليه مش هتبصى لو كان لها مستقبل آو لا , لانه مش اختياركـ .. هى طبيعه فيكى .
آما لو تخيلتى المستقبل فاحنا مش فى دوله غربيه آو حتى فى دول المغرب العربى اللى بتمتعوا فيه بقليل من الحريه .. احنا بـ مصر فى دوله لا تحترم حق الانسان فى العيش اصلا .. ولا حتى بتقبل الاختلاف فى الاراء السياسيه ( اللى هى بطبيعه الحال رؤيه حسب موقع كل شخص مش خط مستقيم او منهج ) فهل منتظره من مجتمع زى دا آنه يعترف بمثليتك !!

انا عاوزة اعرف انا مين و ايه و عاوزة احقق ايه في مستقبلي المظلم انا متلغبطة

دا اللى بتمنى انك توصلى له لآنه كلنا مرينا بالصرآع دا جوانا
الاهم انك قبل ما تفكرى تبتدى اى علاقه , تفهمى نفسك كويس , واتمنى تجدى اجابه ع تسؤلاتكـ بين صفحات مواضيع المنتدى .
بتمنى لك حظ موفق ^_^

Lost in her

شكرا لردك المستفاض و الوافي و الي انا استفديت منه كتير و قدرت تقريبا اخد موقف و راي اتجاه نفسي

maraam

شكرا لتنبيه حضرتك و اعتقد اني كونت راي النهائي عن نفسي

الفراشة الحرة

انا عندي 20 سنة فيه شباب حاولوا يتقربوا مني من قبل غير الخطوبة بس انا مكنتش بلتفت ليهم لاني مش رافضة الفكرة لاكن انا مش حاسة بميول اتجاههم

طيب بناء علي كلامكم و تفكير في الموضوع اعتبر كدا مثلية لحد الان طيب ايه الخطوة التانية لمستقبلي لو انا فعلا مثلية و منين اقدر اقرب لناس من مجتمعي الجديد و يقدروا يخدوا بايدي و يسعدوني لان وضعي صعب جدا

عادى عيشى بطبيعيه .. وتجولى بالمنتدى عشان تعرفى اكتر عن تفكير المثليات وتكونى فكرتك عن اقتناع
اما بالنسبه لحياتك العاطفيه فاتركيها للقدر هو هيجمعك مع اللى تحبك وتحبيها من غير ترتيب .. ^__^

بسم الله الرحمن الرحيم

اليكي الاجابه عن اسئلتك وتتمثل في الاتي

من هي المثاليه ............... الحل
اولا

المثاليه هي انسانه رقيقه المشاعر حنونه لها الكثير من العواطف وتحتاج الي الكثير من العطف والحنان

سبب ذالك يعتبر الكثير من المثليات
اما انهم في مجتمع مغلق ومتحجر او شده المعامله معا البنت او البعد الجسدي فليس هناك اي وسيله للمارسه الحياه الجسديه فتلجا الي السحاق ثم تتحول الي مثليه

وجميع المثليات بهذا النوع يكونوا في الاغلب يميلون للسحاق او بمجرد اشباع رغابتهم الجسديه ينتهي بهم الحال الي رغبه جديده
اما المثليه الحقيقيه وهي تتمثل في المثليه الفطريه اي انكي مولده بالفطره

وهذا ما هو انتي عليه
الحل ..........
مش ينفع تتهربي من الجواز لاننا في مجتمع شرقي وبالتالي هيكون امامك شي من الاثنين اما ان ترتبطي بجواز تقليدي وهيكون نتيجه كبر سنك وممتك اللي قرفاكي وبباكي ولو رفضي ناس كثير هيشكم فيكي غير كلام المجتمع عليكي ومش تقوليلي مش هيهمني المجتمع
يبقي مش هدامك غير حل واحد بس

وهو الزواج من انسان رقي متفتح عقليا محترم بيصلي ويعرف ربنا

وعاوز انبهك علي شي شكل ما فيه بنات بتميل للنساء فيه شباب بتميل للعنف معا البنت وفيه ناس ثانيه بتميل لحجات كثيره قذره لكن اللي ينفعك شخص يكون بيميل للجانب الروحي والعطف والرومانسيه انك وانتي بتكلميه بتحسي بقلبه بيتكلم معاكي ورقي في تفكيره انسان يحتويكي مش علشان جسدك لاء علشان روحك لو فعلا لقيتي الشخص ده ممكن فعلا مش تهتمي بالمثليه ولو اهتميتي بالمثليه مش هتكون علاقه جسديه ابدا
اما هيا حلال ولا حرام

الحل الاخير لو بتحبي انسانه حب شهوه انك بتشتهيها وعاوزه جسدها فمش عوزين نضحك علي بعض بتكون حرام طبعا
اما لو حب روحي يعني روحك متعلقه بيها بيكون حب حلال والاجابه دي من عندي مالهاش مصادر شكرا ليكي واتمني تلاقي او تشوفي تعليقي وبجد معاكي ربنا لان الشخصيه اللي شكلك في العالم ده نادره جدااااااااااااااااااااااااا

انا محتارة و عاوزة نصيحة

انا محتارة و عاوزة نصيحة

رد: انا محتارة و عاوزة نصيحة

رد: انا محتارة و عاوزة نصيحة

رد: انا محتارة و عاوزة نصيحة

رد: انا محتارة و عاوزة نصيحة

رد: انا محتارة و عاوزة نصيحة

رد: انا محتارة و عاوزة نصيحة