مشكلة ياريت الاقى حل

me2 كتب:اولا هي بتتعامل معاكي كدا لانها حيرانه وتعبانه زي ما انا فهمت هى متزوجه فاكيد هي بين نارين هي لو مش عوزاكي كانت ممكن تقطع معاكي بسهوله بس هي شكلها حباكي ومش قدره تبعد عنك فبالتالي انتي السبب في المعناه الي هي عيشه فيها ودا بيترجم في تعاملها معاكي بالطريقه دي لانها لما تكون معاكي بتفكر في مليون حاجه ومنها انها بتخون جوزها ولو الموضوع اتعرف هتعمل ايه وتواجه الناس اذاى وكذا حاجه اما اشمعنه هي الي بتسيطر عليكي عشان دا الحب الحقيقي ببساطه لما بنحب حد بننسا نفسنا معاه مش بنزعل منه ولو زعلنا بيبقي زعل مؤقت والشخص الي بنحبه دا بيبقي امتلكنا زى لو هو بيحبنا بنبقي امتلكناه حولي تتكلمي معها وتخليها تصرحك بكل الي جواها عشان تعرفو تحلو المشكله وهي نفسيتها ترتاح وحولي تحتويها و تستوعبيها اكتر من كدا واطلبي منها انها تكون صريحه معاكي في كل شئ عشان الصراحه هي الي بتحل المشاكل مهما

بشكرك جدا على اهتمامك كتير بحس انها حبانى فعلا ورافضة تعترف بكدة اتكلمت معاها كتير وقولتلها بلاش تخبى اللى جواها واللى حساه تقوله واتفقنا انها متخبيش مشاعرها ونحاول نتعامل مع بعض من غير اى تجاوزات نتعامل على اننا اصدقاء عمر مش اكتر وانا وافقت على كدة وقولتلها المهم عندى انك تبقى فى حياتى وابقى مطمنة عليكى ولما تحتاجى اى شئ اكون جنبك ومعاكى الكلام ده كله حصل فى اخر سنتين لحد قبل النهاردة بأسبوع لقتها بتتغير فى معاملتها وبقت حنينة قوى وكلامها كله انها بتحبنى وان انا الوحيدة اللى بتفكر فيها لو وقعت فى مشكلة وان انا سندها وووو اتبسط نوعا ما من كلامها بس خفت لتتغير مش طالبة منها اكتر من المعاملة الكويسة والحنية مش عايزاها تتصرف تصرف تندم عليه وينتج منه انها تبعد عنى ممكن تكون فعلا زى ما انتى بتقولى انها بتفكر فى مليون حاجة وانها بتخون جوزها ووو بس انا مش حاسة بده حتى اليوم اللى لمستها فيه هى حست بتأنيب ضمير وانا كمان وقولنا لبعض ان دى اول واخر مرة ممكن يحصل كدة وكفاية اننا اصدقاء انا بجد تعبانة والموضوع محتاج كلام كتير انا بحاول اختصره ونفسى الاقى حل انى اكون جنبها من غير ما مشاعرنا تسيطر علينا لاننا فى مجتمع رافض تماما لاى مشاعر مختلفة عن الاخوة انا طولت عليكى بس بجد ارتحت لما لقيت اهتمامك بالرد عليا وفكرت انى اتعرف على صديقات من هنا واتكلم معاهم يمكن اقدر اتجاوز اللى انا فيه ده معاهم

اولا لا شكر علي واجب وانا ممكن تعتبريني صديقه ليكي لو مش عندك مانع واحنا كلنا هنا اصلا عشان نلاقي حد ممكن نتكلم معاه في الي منقدرش نقوله لاقرب الناس لينا وانا موجودا لو احتجتي اى حاجه

ربنا يخليكى انا بجد بشكرك جدا وبعتلك رسالة على الايميل لانى جديدة هنا ومش بيرضى المنتدى انى ابعت رسايل

افتكر زى ما انتوا كنتوا بتتكلموا, انتوا فعلاً بتحبوا بعض بس الحاجات الصغيره دى مش مشكلة .

Youssra كتب:افتكر زى ما انتوا كنتوا بتتكلموا, انتوا فعلاً بتحبوا بعض بس الحاجات الصغيره دى مش مشكلة .

حبى ليها انا متأكدة منه لكن حبها مابقتش متأكدة خالص بجد يا يسرا

الاحسن انك عادي تتعاملي معاها عادي بس لو عاملتك وحش ابعدي عنها شوية عشان تفهم ان الاسلوب دة ممكن يبعدك عنها ولو هيا متمسكة بيكي مش هتبعد عنك وهتحسن من نفسها وتحسم موقفها معاكي وتعترفلك هيا عيزاكي ولا لاء