هحكيلكم حاجة عشان تتعرفو عليا

رومانسيه مش موجوده كتب:تحياتى ليكى ... بجد كلامك أثر فيا نظرا لان فيه تشابه فى بعض الحاجات بالنسبة لحكايتك وتجربتك السابقه انا طبعا معرفش الخلافات ولا ايه الاسباب اللى خلتكم كدا بس هرد عليكى بموضوع انك مش عارفه تنسيها صدقينى مفيش حاجه بتتنسى .. بس فيه حاجه اسمها نتناسى يعنى مع الوقت تفكيرك هيتغير وبالتدريج هتوصلى لدرجه انك مبتفكريش فيها غير كل فين وفين ... وصدقينى اكيد ربنا يعوضك بانسانه تفهمك واتمنالك السعاده من كل قلبى .. وان شاء الله تتخطى الظروف زى ما انا تخطيتها ... وعلى فكره طول ما انتى عالمنتدى مش هتبقى لوحدك لاننا هنا كلنا فاهمين بعض وبنحس ببعض واتمنالك انك تنبسطى معانا وتلاقى الأنسانه اللى بتدورى عليها هنا زى ما حصل معايا

MU_AAH كتب:

lor=red]]هاى .. ازيكم انا حبيت احكى اصعب تجربة مريت بيها ..
أول بنوتة حبيتها (بجد) كانت فى الكلية اتعرفت عليها واتشديت ليها لانها كانت تشبهنى فى حاجات كتير وكانت بتفهمنى اوى من قبل ما اتكلم وبنتكلم بالساعات فى كل حاجة وبنخرج سوا ونقضى وقت كبير مع بعض
وكانت زيى بتحب الرومانسية وفى نفس الوقت مجنونة واللى فى دماغها تعمله وانا بصراحة كنت مرحة جدا وأجن منها
وكنت مستينة يوم أقولها واللى يحصل يحصل بس كنت بخاف من رد فعلها أو اكون اللى حساه غلط او اخاف تدمر صداقتنا وحاولت أكتر من مرة افهمها حبى ليها بطريقة غير مباشرة لكن مش كنت متاكدة.. لحد ما يوم اتحدينا بعض فى اكتر واحدة فينا تعمل حاجة مجنونة ..فكرنا فى حاجات كتير هبلة بجد اتراهنا عليها وعملناها لحد ما قولتلها انا بقى هعمل اجن حاجة هى مفهمتش فرحت بايساها من شفايفها ههههه وعرفت بعدها انها بتحبنى وانا كنت حسه بكدا ..
انا كنت بحبها وبخاف عليها وببقى مبسوطة وانا معاها وكنت بحس انى مسؤلة عنها معرفش ازاى وادايق من اى حد يزعلها.. مع الايام بدأت احبها اوى اوى وبفكر فيها كتير واتمنى اشوفها دايما وكنا اوقات مش نتكلم نفضل نبص لبعض بس واحنا ماسكين ايد بعض و هى كمان كانت بتحبنى اكتر ما انا بحبها

اتفقنا نكون مع بعض دايما وكنا حسين اننا اسعد اتنين فى الدنيا وفضلنا فترة مع بعض كانت اجمل ايام حياتى وعمرى ماهنساها حسيت فيها ان قلبى اتخطف بجد وحسيت بحب عمرى ماحسيته لدرجة كنا بنكتب ورق ورسايل ورسم لبعض كنا بنشوف ان دا رومانسى ..
بعدها للاسف حصلت حاجات كتير ومشاكل مفيش داعى احكيها فرقتنا وخليتنا حتى مش نقدر نتصل ببعض
من يومها حسيت انى اندبحت بجد وفكرت مرة اموت نفسى لانى مكنتش حسة انى اقدر اعيش من غيرها او من غير ما اعرف حتى اخبارها ..فضلت وقت كبير هتجنن واشوفها او اسمع صوتها واطمن عليها
لحد ما كلمتنى فى الاخر تقولى انى مش انساها وودعتنى ..فضلت وقت كبير بعدها مودى وحش جدا وصحتى تعبت وفين وفين على ما قدرت تانى ارجع زى الاول وابقى كويسة ..مرت دلوقتى أكتر من سنة وشوية ..لكن بردو حسة ان قلبى لسه ما نساهاش رغم انى فقدت الامل انى اشوفها تانى او على الاقل اقابل حد احبه زيها
بتمنى دلوقتى انى اقابل حد يفهمنى ويفهم اللى بحسه واللى مريت بيه ..لانى حسه انى لوحدى مش حكيت اى حاجة لحد ولا حد من اللى اعرفهم يعرف اى حاجة عنى ..لان محدش يعرف انى ليز اساسا
معرفش انا حكيت اكتر من الزوم ولا ايه..اتمنى مش اكون طولت عليكم وتعتبرونى صديقة بينكم [/size]

تجربتك تشبه تجربتي شويه بس الفرق اني مش صارحت اللي حبتها وكنا اصدقاء لمده 4 سنين
3 سنين ثانويه عامه واولي جامعه
كنا دايما مع بعض مش بنفترق ابدا ف المدرسه والسنتر وخروجات وكنا بنسافر ف الاجازات مع بعض
كانت شاغله وماليا عليا دنيتي ومحستش ف يوم ان هيجي وقت علينا نفترق ومنشوفش بعض
بس حصل وانا اللي بديت الفراق ..بعد ماخلصنا ثانويه عامه نصيبنا ان كل واحده دخلت جامعه بعيده عن التانيه
هي ف مدينه وانا في مدينه .. مع بدايه الدراسه كنت مضايقه اوي بسبب البعد دا بس كنا بنتقابل مرتين ع الاقل ف الاسبوع
وكنت نويت اني احول اوراقي لجامعتها عشان نكون مع بعض وحاولت اتحمل يوم بعد يوم بس حصل اللي كنت قلقانه منه
ارتبطت بشاب معاها ف الجامعه وحبته كانت بتحكيلي واحكلها عن كل شئ
انا عارفه من الاول انها بتميل للشباب وكمان عارفه ومتأكده انها بتحبني بجد مش زي اي صديقه بس كانت خايفه
ومش صارحنا بعضض ابدا .. بعد ماقالتلي موضوعها انا بدأت ابعد عنها شويه بشويه واعمل نفسي مشغوله .. غيرت رقم موبايلي ولما كانت تتصل بيا علي تيليفون البيت كنت بققول لماما تقولها اني مش موجوده او عند عمتي او اي حد من قرايبي
حاولت توصلي عن طريق اصدقائنا بس انا كنت بتهرب ومش عايزه اشوفها واضعف وانهار قدمها واصارحها
لاني حسيت ان خلاص مفيش فايده وانا كل انا عايزاه انها تكون مبسوطه فقررت الانسحاب بهدوووء واكمل دراستي ف جامعتي
واشيل التحويل من راسي .. وبكده متبقاش في فرصه ان نشوف بعض

بس تصدقي ان لحد دلوقتي حبها ومعزتها في قلبي زي ماهي رغم مرور 6 سنين
شوفتي ازاي انتي قلبتي عليا القديييييييييييم