موقف صغير ولكن اثره علي مؤلم وكبير

اعتبرو الشي فضفضة
بس الشي متعلق بشكلي .. واللي هو ممكن اعتباره شوي ذكوري من ناحية الستايل وغيره 
المهم كنت اليوم راجعة من السوق .. وكان في مجموعة شباب .. حوالى خمس شباب او هيك شي .. قررو فجاة يضايقوني ويتمسخرو علي 
فبدأو ينادوني: " يا شب .. انت يا شب رد علينا .. تعال لهون" وحكي من هالنوع 
الحادثة مع بساطتها بس اثرت علي كتير سلبي .. انا ما رديت لانه ما بدي اعمل مشاكل 
بس الشي كتير بيجرح وبيقتل .. والمشكلة انه هالشغلة بتصيرمعي كثير .. 
وكثير من الاحيان ناس كتيرة بتقرر تلاحقني وترمي حكي غير مناسب عني
او عن شكلي
او يتهامسو بس امر من جنبهن 
وانا مش عارفة اتاقلم مع الموضوع ولا اتعامل معه .. فشو بتنصحوني اعمل وكيف اتصرف بهيك حالة ؟؟

مرحبا عزيزتي
المنتدى مفتوح للجميع ويمكنك الكلام بأي شي تحبيه
انا بشوف اذا ستايلك عاجبك ومقتنعة بي ليهمك شي لان الناس متبطل كلام وما عاجبهم شي طنشي ولا يهمك احد...
ستايلك حريتك الشخصية وبتعملي الي يعجبك...المهم ان لا تتضايقي هيج ناس تكون ماعدها احساس وبتحس بنقص بنفسها فتضايق الناس

لكي ودي وتقبلي مروري

 والاتركزي مع الناس دي دي عالم فاضيه
طالماشكليك عاجبك خلاص والايهميك

شكرا ليكم صبايا على الدعم وعلى ردودكو ... جد ريحت نفسيتي كتير
للاسف ما قدرت اقراها قبل بسبب مشاكل بجهازي ..
بس بتعنيني كتير

كونى عاديه وطبيعية جدا

لا تأخدي على كلام الناس

هو صحيح بيكون صعب انك تتجاهلي الموقف وتنسيه
بس هاد هو الحل الوحيد اللي بتقدري تعمليه . اقتنعي بانو مهما عملتي ومهما لبستي ما بتقدري ترضي كل الناس ، فلا البسي اللي بيعجبك أحسن (إرضاء الناس غاية لا تدرك)
بعدين اي واحد بيتمسخر عليكي او ع ستايلك فهو إنسان متخلف جاهل أناني بفكر انو كل الناس لازم تلبس الشي اللي بيرضيه هو
كلنا منمر بهالمواقف وانا كمان بمر فيها وأتوقع كل العرب اللي متلنا (اللي الهم ستايل غير بغض النظر عن اي ستايل) رح يتعرضو لهاي المواقف ، فلا تحسي انك لحالك او انك منبوذه او اي شيً
وبالنسبة للي علقو عليكي طز فيهم ، والدنيا دوارة وبالنهاية رح توخدلك حقك